പുഴയരുകില്‍ കടമ്പിന്‍റെ ചോട്ടില്‍
ഓടക്കുഴലൂതി നിന്നെ വിളിച്ചതാര്...
പൂവിനെ തഴുകിയ മഞ്ഞിന്‍ കണമോ
താമര വിടര്‍ത്തുന്നൊരാദിത്യനോ...
പറയൂ... നീ യദുകുല രാധേ.... (പുഴയരുകില്‍ ...)
ഹിമകണമിന്നൊരു കഥയെഴുതീ
ആ കാവ്യമാകെ നീ വരികളായി(2)
നിന്‍റെ ആഴങ്ങളില്‍ ഉരുകി മറഞ്ഞൊരു
കണ്ണനെ കാണാതെ നീ നടന്നു
കണ്‍കള്‍ തളര്‍ന്നു നീ പെയ്തു നിന്നു....(പുഴയരുകില്‍ ...)
മന്ദസമീരനൊരു പാട്ടുപാടി
ആ പാട്ടിലാകെ നീ താളമായി(2)
നിന്‍രെ സ്വപ്നങ്ങളില്‍ അലിഞ്ഞു ചേര്‍ന്നൊരു
കണ്ണനെ തിരഞ്ഞു നീ നടന്നു
മൊഴികള്‍ ഇടറി നീ വാടി നിന്നു... (പുഴയരുകില്‍ ...)
